Sempre que pensamos na gastronomía tradicional acoden á nosa mente imaxes de grandes potas de calquera comida galega ao lume, ou os xa míticos barrís de madeira onde se acaban de asentar os viños. Sen embargo, se a estas imaxes lle queremos meter algo de innovación non sempre logramos darlle forma. E, aínda que pensemos que non, a tradición e a innovación viven en perfecta harmonía no mundo da gastronomía galega.

 

Catro dos negocios máis punteiros nesta conxugación do antigo e do novo son O Fogar do Santiso, Pan da Moa, A Casa das Abellas e Ramón do Casar. Isto non é así porque o digamos nós, senón porque cumpren certos requisitos para conseguir esta mestura.

 

A nosa intención é a de coller algo de todos eles, o que os fai verdadeiramente significativos na unión de tradición e innovación, cada un na súa especialidade.