Cervexas do mundo, tremede, pois unha carismática competidora entrou no mercado hai quince dÃas! Estamos a falar da Farruca, unha cervexa acabada de nacer, pero con moita personalidade. A iniciativa, impulsada por Fátima Gómez, comezou no 2012 en Salamanca, tras mercar un kit de principiantes con ola, termofrigorÃfico, malte e lúpulo. Logo de tres anos, e un perÃodo de mellora e profesionalización, a marca lanza ó mercado dous estilos de cervexa ben diferenciados: a rubia e a de cabaza.
Farruca Rubia é unha cervexa refrescante e amarga á par. Elaborada a partir de cereal malteado, lúpulo e lavadura, ten certos toques afroitados, o que a fan perfecta para acompañar pratos de pescado e comidas picantes. Súa irmá, a de Cabaza, é fabricada a partir de fermentacións máis altas. Aproveita a materia prima que lle ofreceu o outono, polo que é unha cervexa estacional, con máis grao de alcohol, e máis doce, funcionando como o mellor acompañamento dos pratos de caza.
Cervexa Farruca
Un bo producto implica materia prima da mellor calidade, unha boa receita e os ingredientes necesarios
Ambas cervexas dependen da agudeza olfactiva do catador. Os distintos aromas evocan diferentes reminiscencias en canto a gusto, polo que é un produto que pretende abrir mercado, ampliar fronteiras, para chegar a labrarse un lugar no mundo da restauración. Hai que ter claro que para elaborar cervexa artesá fai falla tempo, ganas e moitos coidados. Para crear un bo produto, fai falla materia prima da mellor calidade, unha boa receita e escoller os ingredientes necesarios, que é o que da lugar a unha gran cervexa. Isto xera exclusividade, consecuencia tamén do elevado custo de elaboración, por iso se destinan a un mercado máis selecto. Este é o cumio ó que aspira Farruca, lograr converterse nun produto diferenciado e apreciado polos mellores padais.
A pesar do seu recente nacemento, e producirse en Salamanca, Farruca distribúese na vila do Carballiño, onde reside Fátima, a súa creadora; chegando ós arredores como Ribadavia ou a Casa Rural de Pazos de Arenteiro. Pero, cal é a técnica na que nos debemos basear para degustar unha boa cervexa? A Farruca hai que servila, deixala respirar, que abra ben. Logo, tomamos o primeiro sorbo, que serve para limpar o padal, e seguidamente só queda gozar dos singulares sabores que nos achega o produto artesanal.